SOS Arrazakeria

30 urte arrazakeria eta  xenofobiari aurre egiten

Misioa

Gipuzkoako SOS Arrazakeria 1993an sortu zen, formalki, diskriminazio eta bereizketa ororen aurka borrokatzeko helburuarekin, dela jatorriagatik, dela arrazoi kulturalengatik, edo larruazalaren koloretik eratorrita, modu indibidualean, kolektiboan edo instituzionalean. Mundu guztiarentzako eskubide- eta tratu-berdintasunean zehazten diren tolerantzia, errespetua eta ulermena aldarrikatzen ditugu. Positibotzat jotzen dugu kultura-aniztasuna, eta pertsona bakoitzaren eta gure gizartean dauden pertsonen kolektibo bakoitzaren kulturaren garapen askearen eskubidea eta errespetua defendatzen dugu. Bertakoen, etorkinen eta gutxiengoen arteko harremana eta trukea bultzatuko duten praktikak sustatzearen aldeko apustua egiten dugu.

Honetarako, ondorengo ekintzak bideratzen ditugu:

• Etorkinei laguntza ematea legeak eta administrazio-jardunbideek biltzen dituzten prozedura administratibo eta judizialetan.

• Mobilizazioak eta erreibindikazio-ekintzak.

• Erakunde publikoei bideratutako proposamenak pertsona migranteek dituzten oztopoak saihesteko, hauen eskubide eta betebeharrak biztantle guztiak bezala bete ditzaten.

• Iritzi publikoa sentsibilizatzeko ekintzak.

• Konferentziak, mintegiak eta topaketak.

• Asoziazionismoa sustatzeko ekintzak, pertsona etorkinen partaidetzari begira.

• Gizarte zerbitzuei bideratutako ekintzak.

• Gizartea eraldatzeko hezkuntza ekintzak.

• Bakea sustatzeko hezkuntza ekintzak.

• Dokumentazio lana eta materialen edizioa.

• Ikerketa lanak.

• Gaztediari zuzenduta dauden ekintzak.

• Boluntariotzaren sustapena.

Ikuspegia

Datozen hiru urteetan, Gipuzkoako SOS Arrazakeriak ezaugarri hauek izango ditu:

• Lurraldeka integratuta eta artikulatuta egongo da, egitura funtzional eta ordezkaritza-egitura finkatuarekin eta kudeaketa-prozedura sinplifikatu eta eraginkorrekin

• Arinagoa eta malguagoa izango da erantzuna emateko eta proposamenak egiteko gaitasuna izateko.

• Ekonomikoki finkatuta egongo da, finantziazio dibertsifikatuarekin.

• Kideek aktiboki parte hartuko dute erakundeko maila guztietan (bazkideak, boluntarioak, talde teknikoa eta gobernu-taldea), eta kidetza-zentzu handia izango dute.

• Genero-berdintasuna eta -ikuspegia instituzionalizatuko ditu bere kulturan eta antolaketa-zereginean.

Horren guztiaren helburua gizarte-eragile garrantzitsu eta aitortua izatea da, eta, beraz:

• Migrazioari eta diskriminazioaren aurkako borrokari buruzko politika publiko eta pribatuetan eragiten du.

• Migrazioei, arrazakeriari eta xenofobiari buruzko eztabaida sozialak bultzatzen ditu eta horietan parte hartzen du.

• Arloko ezagutza zientifikoaren eraikuntzan parte hartzen du.

• Herritarren elkartasuna mobilizatzen du herritartasun anitza eta inklusiboa eraikitzeko

• Gai horietarako, solaskide sozial eta erreferente esanguratsua da.

• Sareetan parte hartzen du eta aliantzak egiten ditu beste mugimendu sozial batzuekin.

• Boluntariotza sustatzen du.