Egiazko Auzoa
Eraiki dezagun auzo jasangarri, inklusibo eta eraldatzailea!
Partaidetza proiektua Egia auzoan
Egiazko Auzoa: kontsumo arduratsutik komunitate inklusiboak sendotzen proiektuak 2019an sortu zen Hau Egia Da sarearen prozesuari jarraipena eman nahi dio. HED Donostiako Egia auzoan kokatzen da, bi ardatz nagusi dituela: aniztasun kulturala eta esku-hartze komunitarioa. Auzoak bizi duen errealitate sozial eta kultural anitza balioan jartzen du auzoan kulturarteko ekimenak aktibatuz, prozesu migratorioekin batera auzoan egoera berriak ematen baitira.
Zertarako?
Auzoan bizi diren pertsonen artean (migrante zein autoktono) harremanak sustatzeko, eta honela komunitate inklusiboagoak eraikitzeko
Nola?
Aisialdian zentratuta, hau kontsumo arduratsuaren ikuspegitik ulertuta
Helburuak
Giza Garapen Iraunkorrari laguntzea, giza eskubideekin, genero-berdintasunarekin eta justizia sozial eta klimatikoarekin konprometitutako aniztasunaren partaidetza- eta kudeaketa-modu berriak sustatuz, gizarte solidarioagoa eraikitzeko.
Donostiarren gaitasun eraldatzaileak indartzea, Kontsumo Konsziente, Ardurartsu eta Eraldatzailearen esparruan kolektiboki identifikatutako erronkei erantzungo dien ikaskuntza-prozesu integrala egituratuz, eskubideen, feminismoaren eta ingurumen-iraunkortasunaren ikuspegitik.
Komunitate inklusiboak eraikitzen laguntzea, migratzaileen eta bertako kolektiboen inplikaziotik abiatuta, loturak sortzea ahalbidetuko duen eta elkar ezagutzeko harremanak indartuko dituen parte-hartze komunitarioko prozesu batean, gizarte justu, zuzen eta solidarioa sustatzeko.
Eskuliburua
Egiazko Auzoa
Ongi etorri Egiazko Auzora!
Gida hau zertarako da?
Alde batetik, urte honetan zehar ikasi dugun guztia dokumentu batean bildu nahi dugu, prozesu guzti honetan zehar parte hartu dutenekin barneratutako ikaspenak partekatzeko. Bestetik, honelako prozesu bat martxan jarri nahi duenarentzako gure esperientzatik ikasi daitekeena biltzen du dokumentuak, tokian tokiko ezaugarriak kontuan harturik, noski. Honela, honelako prozesuen erreplikagarritasuna bultzatu nahi dugu.
Ekintzak
Parte hartzaileak
SOS Arrazakeria
SOS Arrazakeriak proiektuaren kudeaketan lan egiten du, eta akonpainamendu eta mentoretza sailek proiektuaren parte dira ere, aisialdi eraldatzailea euren lan ildoetan txertatzeko asmoarekin.
Emaús Gizarte Fundazioa
Emauseko ETIK saila eta UBA aterpetxeko hezitzaileek ere prozesuaren parte dira, proiektuaren kudeakuntzan eta gizarteratzea eta jasangarritasun ildoetako ikaspenak txertatzeko
Darkum
Darkum gazte migratzaileekin lan egiten duen elkartea da. Proiektuan lidergotza dute prozesu parte-hartzailea bultzatzeko orduan, eta ikaste-irakaskuntza prozesuan feminismo dekoloniala txertatzeko ardura izan dute.
Saretuz
Aisialdia modu eraldatzaile batean ulertzeko, Saretuz-en partaidetza ezinbestekoia da, Kontsumo arduratsuaren ildoa lantzeko.
Cristina Enea Fundazioa
Jasangarritasunari dagokionez, ikaskuntza-irakaskuntza prozesuan Cristina Enea Fundazioak aisialdian naturarekiko dugun harremana birplanteatzeko lanketak eta baliabideak eskeini dizkigu.
Bestelako eragileak
Hiritarron Harrera Sarea, SETEM Hego Haizea, Donostiako udaletxeko partaidetza saila, Donostiako udaletxeko aniztasun saila, Egiako gaztelekua, Egia Bizirik, Tabakalera Hezkuntza saila, Tabakalerako MediaLab…